الواحد قال ان اتخرج خلاص ينسى المدرسة و سوالفها … بس مو لما تكون انت الكبير و تحتك كوكش للحين يروحون المدرسة ..
أول يوم … لازم نروح امبجر نحجز أماكن … والله العظيم ابتلشت … أوكي نطلع ست و ربع …. لااااااا ابجر …. جم يعني ست …. اي … خلاص اتاكد اني قايمة خمس و نص … عاد انا كنت بقولج انتي قعديني … اقووول روح نام أحسن لك و قوووم لا تلوع جبدي ….
طبعا اليوم اناخالصة أول وحدة!!! كل يوم نفس لهدوم ليش اطولووون;
بعدين نسيت و انا أسوق انهم معاي 
و رحت الدائري الخامس بروح الشغل ….
الدائري الخامس خبري قالوا ثلاث سنين علشان يخلص هالشتا يصير له ثلاث سنين و ما أعتقد انا نفذوا نص اللي يبونه ….
وطبعا لازم اقطهم جدام المدرسة لو عليهم اصفد جدام الصف اشيلهم و اركض و اقعدهم على الكراسي و قبل ما أرد السيارة أبوس راسهم … و الله العظيم … لازم اصفط جدام باب المدرسة .. و اذا جدامي سيارة ما ينزلون لما اتحرك وامشي خطوتين بالسيارة و بعدين ينزلون … انا طبعا لا تعليق …
الشوارع زحمة و الأغبية اللي يسوقون … علشان جذي اطلع امبجر … على السبع انا بالدوام صج ان يبدي ثمان بس يا جذي يا مرارتي و اعصابي ينفجرون و انا مو ناقصة .. كفاية التسكرب اللي فيني ….
School started so goodbye to last minutes in bed …. Not waking up till the last minute …. Cool quiet streets …Peaceful mornings … All by myself in the car … until the next holiday…
Recent Comments